Bhagwan Shri Krishna ne Mathura mein janm liya aur wahiin pale-badhe. Unhone Dwarka mein shasan kiya. Ek sawaal jo hum sabke mann mein aksar aata hai, woh yeh hai ki is bhavya aur divya nagri ko swayam Bhagwan Shri Krishna ne kyun basaya tha aur iske baad Bhagwan Shri Krishna ka kya hua? In sawaalon ka jawab aaj ki is video mein milega. Namaskar aur swagat hai aapka.
Mitron, Dwarka nagri Shri Krishna ki karmbhoomi ke naam se bhi vikhyaat hai. Mahabharat mein varnit kathaon ke anusaar, Bhagwan Shri Krishna ne jab Kans ka vadh kiya, tab Jarasandh ne pran liya ki woh Yadav vansh ka samool naash kar dega. Jarasandh ko agar avsar milta toh woh Mathura par atyachaar karta. Aise mein Mathura ki suraksha ke liye Shri Krishna ne Mathura chhodne ka faisla kiya. Mathura chhodne ke baad unhone samundar ke kinaare ek divya aur bhavya nagar ki sthaapna ki, jiska naam Dwarka rakha gaya, jahan woh apne priyejanon ke saath sukoon se jeevan yaapan karne lage.
36 saalon tak kushalta se rajya ka sanchaalan karte hue, ek din achaanak Dwarka nagri mein pauraanik granthon mein varnit ghatnaayein ghatit hone lagi. Mata Gandhari ke shraap ke kaaran Dwarka nagri samundar mein doobne lagi. Gandhari ne Shri Krishna ko shraap diya tha ki jaise unke kul ka naash hua hai, waise hi Shri Krishna ke kul ka bhi naash hoga aur Dwarka nagri samundar mein doob jaayegi. Shri Krishna ne is shraap ko saharsh sweekar kiya aur Dwarka ki or prasthaan kar gaye.
Maharshi Vishwamitra, Kanv Rishi, Narad aadi Dwarka bhraman par nikle the. Krishna ke putra Saamb ne unke saath mazaak karne ki yojna banaayi. Rishiyon ne Saamb ko shraap diya ki woh lohe ka musal utpann karega, jisse Yadav vansh ka naash hoga. Raja Ugrasen ne musal ko chura kar samundar mein phenka aur madira ke utpaadan par pratibandh laga diya.
Tez aandhi-toofaan aur ajeeb ghatnaon ke kaaran Dwarka nagri mein ashanti phail gayi. Shri Krishna ne teerth yatra ka faisla kiya. Isi dauran Yadav vanshiyon mein aapsi ladaai shuru ho gayi aur ve ek-doosre ka vadh karne lage. Ant mein Shri Krishna ne Arjun ko bulaya aur nagarvaasiyon ko surakshit sthal par le jaane ka aadesh diya.
Arjun ne Shri Krishna ke parijanon aur nagarvaasiyon ko surakshit sthal par le jaane ka prayaas kiya. Vasudev ji ne praan tyaag diye aur unki patni Rohini sati ho gayi. Arjun ne Prabhas teerth mein mare gaye samast Yaduvanshiyon ka antim sanskaar kiya.
Mitron, aaj sanatan dharm samruddh aur sampann hai. 1968 mein Dwarka nagri ka puraatatvik sarvekshan kiya gaya, jismein teen hazaar saal purane taambe ke sikke aur anya avshesh mile. Umeed karte hain ki aapko humari aaj ki yeh katha pasand aayi hogi to apne mitron aur sage-sambandhiyon ke saath share karein. Aise hi aur bhi dharmik aur aadhyatmik jaankariyon ke liye humare website ke notification bell icon ko press kare. Filhaal aaj ke liye bas itna hi, aapka bahut-bahut shukriya.
